მარიამ კაჭარავა

კურსის მიმოხილვა

გრაფიკული დიზაინის გარეშე თანამედროვე ციფრული სამყარო წარმოუდგენელია. ეს პროფესია მუდმივად ვითარდება, იცვლება ტრენდები და სტილი.   სწორედ ვიზუალური კომუნიკაცია ქმნის პირველ შთაბეჭდილებას ნებისმიერ პროდუქტსა თუ სერვისზე. 
კურსის მიზანია პირველი ნაბიჯების გამარტივება გრაფიკულ დიზაინში - ეს არის გრაფიკული დიზაინის საწყისები, რომელიც შედგება 12 ლექციისგან. პირველი ექვსი ლექცია დაეთმობა Adobe Photoshop-ის საწყისი და მნიშვნელოვანი ელემენტების სწავლას, ხოლო დარჩენილი 6 ლექციის პერიოდში სტუდენტები Adobe Illustrator-ს გაეცნობიან.
ტრენერი გრაფიკული დიზაინის ტექნიკურ მხარესთან ერთად, ისაუბრებს თეორიულ ნაწილზეც, გააზიარებს საკუთარ გამოცდილებებს და მარტივ ხერხებს როგორც Adobe პროგრამებში, ასევე კარიერულ ნაბიჯებში.
 

კურსის გავლის შემდეგ

• შეძლებ ვიზუალის მასშტაბების და პარამეტრების სწორად აღქმას;
• გეცოდინება როგორ შექმნა ტექნიკურად და შინაარსობრივად გამართული ვიზუალები; 
• გააკეთებ მარტივ ფოტომანიპულაციებს;
• ააწყობ საინტერესო პოსტერებს;
• ისწავლი ვექტორული ნამუშევრების აწყობას;
• იმუშავებ ლოგოების შექმნასა და ბრენდის იდენტობის პრინციპებზე;
• ისწავლი საბეჭდი ფაილების მომზადებას;
• დახვეწავ შენს ნამუშევრებს და ააწყობ პორტფოლიოს behance-სა და სხვა პლატფორმებზე;
• შეძლებ დამოუკიდებლად გააგრძელო სწავლა და განივითარო შეძენილი უნარები, რაც დაგეხმარება ინდივიდუალური ციფრული ნამუშევრების შექმნაში;
• გეცოდინება რა ნაბიჯები უნდა გადადგა ფრილანსერად დასაქმებისთვის;
• 5 საუკეთესო სტუდენტი სტაჟირებას გაივლის ჩვენს პარტნიორ კომპანიებში.

ვისთვის არის კურსი

კურსი განკუთვნილია დამწყებთათვის, ვისაც სურს 0-დან ისწავლოს გრაფიკული დიზაინი და მათთვის, ვისაც უკვე აქვს საბაზისო ცოდნა, თუმცა სურს უფრო პროფესიულად შეისწავლოს ეს მიმართულება, ცოდნა გახადოს უფრო სტრუქტურიზებული, დაეუფლოს პროგრამებთან მუშაობის მარტივ ხერხებს და გაიზიაროს გამოცდილი გრაფიკული დიზაინერების გამოცდილება.